<img width="517" height="332" class="entry-thumb td-modal-image" src="https://news.china.com.au/wp-content/uploads/2021/02/20210210150509-6023f6259768a.jpg" alt="" title="image5206804851981834386" />草蜢向大家提早拜年。
【本报讯】时近岁晚，乐坛长青组合草蜢（The Grasshopper）三子特地一起录制贺年网上节目，并跟大家提早拜年，送上祝福，祝大家财源广进，身体健康，并呼吁大家多运动，牛年一同起舞。草蜢三位成员更大谈牛年计划及儿时度岁回忆。<br />
蔡一智说：「我最怀念一大班屋企人一齐围埋，搓面粉炸角仔，一齐搓一齐整，系好好嘅亲子乐。」蔡一杰（杰少）马上回应说：「讲到贺年菜当然少不了好意头嘅横财就手，但今年系牛年，咁就顺吓你意搵机会整味『杰少牛角仔』你哋食，寓意牛气冲天牛运当头啦。」
苏志威也回忆说：「我最怀念细个过年食嘅『姜葱煀鲤』，因为我怕骨，最多食鱼头，唔多食原条鱼。」杰少也踢爆他说：「苏志威完全唔入厨房，望见把刀都会打冷震，又怕鱼骨，所以我都好少整鱼畀佢食。」
过新年大家都会习惯穿新衣，说到新衣蔡一智也不禁想起儿时父母为他和杰少两兄弟打造的过年造型，他说：「细个唔系成日买新衫，但父母过年前都会整一啲兄弟套装畀我哋两个，大家一样色一样款唔使争，我最记得细个有一年嗰套啡色牛仔装。」身旁的杰少也和应说：「呢套真系一世都记得，啡色嘅牛仔衫套装真系好少见。」
眼见三人老友鬼鬼围埋讲食经讲得如此投入，杰少也不禁有个新想法，他说：「其实我哋三个都好为食，坐埋一齐讲食一定好多嘢讲，我哋今年可以大展拳脚，首先《杰少煮意》可以搵一集草蜢做嘉宾，除咗我哋三个真人之外，我哋仲可以食草蜢，我预备定啲草蜢汤、草蜢蒸蛋……畀大家叹。」蔡一智亦进一步说：「咁更进一步不如做一个频道，讲吓我哋遇过食过嘅嘢啦。」杰少回应说：「个名我都马上谂到，好直接就叫草蜢频道，因为呢个名喺过去咁多年带畀我哋咁多荣誉，大家一见到就会谂起我哋。」
准备好随时做演唱会
昨日是杰少的农历生日（农历12月27日）。拍摄完毕後，杰少在拍摄场地遇上11岁小女孩粉丝为他送上亲手制作的生日礼物，补祝他2月6日生日，他说：「小女孩亲手画咗张生日卡畀我，卡上画上草蜢在演唱会台上的精彩舞姿，好靓好神似，佢仲写咗话希望疫情过後，可以再睇到我哋嘅演唱会，真系好开心。」
蔡一智亦感叹其实草蜢在2020 年本来有不少计划，不过都因为疫情而停下来，他说：「其实好多粉丝都期待我哋做演唱会，睇吓上天今年嘅安排啦，不过我哋就随时都准备好，好似我咁每个星期都跑步，希望大家都做多啲运动，到时可以陪我哋一齐又唱又跳。」
“唐人街”Fb每日分享澳大利亚精选新闻，让你随时随地知道澳洲最新 @玩乐、@移民、@生活资讯：https://www.fb.com/news.china.com.au/
【欢迎新闻爆料，洽谈合作！】微信订阅帐号：news-china-com-au
